大家投完票，
戴好口罩之後，
又要展開日日困獸鬥既生活喇！
面對住屋企既猛獸，
有無試過懷疑學校老師對自己仔女既評價丫？
情況（一）
老師：「佢係學校好乖好幫得手架，成日幫手執嘢架！」
老師：「佢係學校自己食野自己除褲去廁所架！」
家長：「唔係掛！佢係屋企成日唔做野架！」
家長：「乖？佢一日到黑都發脾氣架！」
家長：「佢係屋企食親飯都要比人打架！」
家長：「佢係屋企唔肯除片架！」
有d小朋友，我相信佢係聰明雙面人，
所以有以上懷疑，
面對呢d家長，
我除左一再強調小朋友既好之後，
仲會加多句：「小朋友好聰明，你唔好再比佢蝦你喇！」
擺明係寵壞兼唔識教啦！
情況（二）
老師真心真意認為小朋友係精叻乖有禮貌有愛心，
但家長會話：「老師你太誇張喇，佢邊有咁完美丫，可能係學校真係乖d啦！」
呢d小朋友，通常都係父母對老師都好有禮貌，
對小朋友有合理既要求，真係覺得小朋友未夠好。
面對住呢d家長，我通常會鼓勵佢地欣賞小朋友多d，同埋睇下同年紀小朋友既差別，發掘自己仔女出類拔萃既一面。
老屍我，最愛呢種家庭，
因為每次交流都好有愛又唔浮誇，
我唔使交戲就可以輕鬆傾計。
情況（三）
個小朋友曳到拆天，
老師兜好大個圈勸家長要比返d規矩個小朋友，
但家長永遠都會答：「佢係屋企好乖架！」
比你做老師，
你會點幫我回應佢丫？
#困獸鬥幾辛苦都好唔好去玩住喇
#今年所有小朋友都無乜返過學
#無見半年見家長講乜好
Search